Jowai, Naitung 10 : Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Jowai.
Haba phai sha ka jingïakhun hapdeng ka Mooknor Thadmuthlong pyrshah ïa ka Lumpyrtuh Mihmyntdu kala long kaba ïakhait bha namar naduh ka kylla step tad haduh jong ka kylla miet kitei ki ar kynhun kim shem la ïoh satia ban thep kol bad ka jingïakhun kala poi noh sha kaba kut da 0-0 kol.
Na ka liang ka WJDSA kan bteng biang ïa kane ka jingïalehkai ha ka 8 tarik u Naitung, 2022 hapdeng ka Caroline Colony pyrshah ïa ka Lion Sports & Youth Affairs ha ka por 3 baje nongphai sngi.
