Shillong, Risaw 28: Ka jingïalehkai jong ka lympung First Division Football League 2024 ba la pynïaid da ka Shillong Sports Association ba la long ha kane ka Lah Sngi U Blei (28.10.2024), ha SSA Stadium, Polo, la sakhi ïa Mawkhar SC bad ka Mawtawar SC kiba la khur mar shi point naba ïakhaid.
Baroh arliang ki la ïoh ban pynkhih mar shi kol, bad baroh ar tylli ki kol ki la wan ha ki khyllipmat jong ki minit pynjlan ïa ka por ïalehkai.
Ha ka kylla step ym shym la don ba lah ban pynkhihjar. Ka kylla miet ka la neh shi slem khlem don ba lah ban sdang pynkhihjar dei tad ynda la jam sha ki minit pynjlan jong ka por ba ka Mawkhar ka la ïoh ban pynkhihjar nyngkong lyngba u Verjelous Shylla (90+4 minit) hynrei shuwa ban kut u Maxterfield Mukhim (90+8 minit) u la lah ban pynïakhaid na bynta ka Mawtawar.
