Jowai, Naitung 18: Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Jowai.
Haba phai sha ka jingïakhun kaba la long hapdeng ka Khliehmynkrem pyrshah ïa ka Mookyndur, kala poi noh sha kaba kut da ka jingïakhaid da mar 1-1 kol. Ïa ka kol ba nyngkong la thep shwa da ka Mookyndur ha ka minit ba 15 da u rangïalehkai jong ka u Jomsing Pariat. Katba ïa katei ka shikol la lah ban pynphai kylla da ka Khliehmynkrem lyngba u Damang Pyrtuh ha ka minit kaba 34.
Haba wan ban bteng ïa ka jingïakhun jong ka kylla miet ka long kaba ïakhait namar baroh ar kynhun kila pyrshang ban ïalehkai bha kiba la sei lut ïa ki sap ki phong ïalekai jong ki hapoh madan, hynrei haduh ba kut jong ka jingïakhun kala neh da 1-1 kol.
Ka jingïalehkai lashai ka sngi kan long hapdeng ka Panaliar pyrshah ïa ka Iawmulong Nartiang ha ka por 3 baje nohphai sngi.
