Jowai, Nailur 26: Ka jingïalehkai hynne ka sngi hapdeng ka Khlachympa SCC -B pyrshah ïa ka Tympang Club jong ka 8th Interdong Football League 2025 ba la pynïaid da ka Khlachympa Sports & Cultural Club, ha kaba ka jingïalehkai ka long ka ba ïakhaid bha baroh arliang ki kynhun.
Na baroh ar ki la pyrshang ïa la ki jong ki buit ki bor ban ïoh pynkhih jar hynrei haduh ba kut ka jingïalehkai ym don ba ïoh ban pynkhih jar, ha kaba kila hap ban ïasam mar 1 point.
Ka jingïalehkai wat hapdeng ka jingshit kyrang ka sngi ka long ka ba itynnad bha bad ïa ryngkat bor. U namtam (Man of the Match) ha kane ka jingïalehkai u dei u Aldrin Lymba na ka Tympang Club.
