Jowai, Nailur 02: Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 2 tarik u Nailur ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong hapdeng ka Dongmihsngi bad ka Madankynsaw Mookyndeng kila poi noh sha ka jingïakhaid khlem don satia kiba thep kol (0-0).
Haka jingïakhun kaba ar ka Moopliang kala pynliem da 4-2 kol ïa ka Nangbah Dukhu, ïa ki kol na ka Moopliang la thep da u Byforce Star Dhar haka minit ba 20, u Sebastian Rymbai haka minit ba 42 & 52 bad u Riciest Star Dhar haka minit ba 59. Katba ïa ki kol na ka Nangbah Dukhu la thep da u Lainuntura Nampui haka minit ba 49 bad u Shlaimon Padit haka minit ba 72.
La pyntip ba ka jingïakhun lashai ka sngi 3 tarik haka kyrdan 2nd Division ka Khliehmynkrem pyrshah ïa ka Mukhla Umlangshor haka por 12 baje nohphai sngi.
Katba ha ka kyrdan 3rd Division ka jingïakhun Semi Final kan long hapdeng ka Newhill pyrshah ïa ka Lumpyrtuh Mihmyntdu haka por 3 baje janmiet.
