Jowai, Risaw 19: Ka jingïalehkai phutbol ha ka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynne ka Sngi Palei ha madan Kiang Nangbah Stadium, Dongmihsngi Jowai.
Haba phai sha ka jingïakhun hapdeng ka 7 Wasa United pyrshah ïa ka Mukhla Raij SC kila poi sha ka jingïakhiad da mar shikol 1-1 da kaba ïasam mar shi point.
Ïa ka kol na ka liang 7 Wasa United la thep da u Pynshrai Lathong haka minit ba 23, katba na ka Mukhla Raij la thep da u Timmy Ryngkhlem haka minit ba 9.
La pyntip ba ka jingïakhun mynta ka sngi (20 tarik Risaw, 2023) kan long hapdeng ka Sailung Ialong pyrshah ïa ka Ladthadlaboh, ka ban long haka por 2 baje nohphai sngi.
