Jowai, Ïaïong 12: Ka Free Coaching Class Entrance test na ka bynta ban ïakhun ïa ka MPSC bad DSC Exam ba la pynlong da ka Jaiñtia Career Coaching Centre (JCCC) ha ka 8 tarik Ïaïong 2022 ha Kiang Nangbah Government College, Jowai kala long kaba ïaidbeit.
La ïathuh ba ka jingwan ki samla ba leh Entrance kila poi haduh 412 ngut kiba dei na kylleng ka jylla khamtam na Ri-Lum Jaiñtia, kiba dei ruh ki samla wadkam wadjam na ka bynta ban ïoh ïakhun ha ki post ba lait ha ki tnad sorkar bapher bapher.
Na ka liang ka JCCC kala pynshlur bad kan ïarap ïa kitei ki samla ha ka ban pynkhreh ïa ki eksam jong ki. Shuh shuh ka JCCC ka la ong ba ka jingpynkhreh ïa ka MPSC Eksam kan ïarap shibun ïa ka lawei jong ki wat lada kim lah ban pass ha kine ka Eksam.
Ha ka juh ka por ka JCCC, ka ai khublei ïa ka Principal ka Kiang Nangbah Government College, Jowai ïa ka jingaisngewbha jong ka ïaka Class Room jong ka Kiang Nangbah ban pynlong ïa katei ka Entrance Exam.
Na ka liang ka JCCC ka la kyrpad ïa ka sorkar ban leh ei ei ïa ki samla wad kam hapoh ka jylla ba kan ïarap ban ai jinghikai ïa ki na ka por sha ka por.
