SHILLONG, Naitung 09: Ka jingpynkhreh ban jied ïa ki nongïalehkai ban mihkhmat ïa ka Jylla Meghalaya ha ka National Games 2027 ka la ïaid shait shait ha kaba ka Meghalaya Athletic Association [MAA] hynne ka sngi ka la ïoh ban pynlong ïa ka Selection Trial kaba ar ha nongbah Shillong ha ka 05 tarik Naitung.
ïa kane ka jingpyrshang jied nongïalehkai (Selection Trial) ha Sai Athletics Stadium na ka bynta ki nongïalehkai kiba hap hapoh ka East, West, South west, Eastern West Khasi Hills bad Ribhoi District.
Ki nongïashim bynta kiba la poi sha kane ka Selection Trial na bynta ki District jong ka Khasi Hills & Ri Bhoi ki don haduh 309 ngut, kiba kynthup ïa 77 ngut ki kynthei bad 232 ngut ki khynnah shynrang.
Nalor ki nongïalehkai kane ka jingpyrshang jied ka la ïaid shakhmat ryngkat ka jingïarap jong 25 ngut ki Technical Officials ba kynthup ïa ki dkhot nongkitkam jong ka Meghalaya Athletics Association.
Ka Selection trial kaba bud kan sa long ha ka 12 tarik u Naitung ha Tura ïa kaba yn pynlong ha Pa Togan Sangma Athletics Stadium. Kane ka Trial kan long na bynta baroh ki District ha Garo Hills.
