Nongstoiñ K’lyngkot 19: Ka jingtei ïa ka Bsc Nursing school ha Nongstoiñ kaba don ha syndah jong ka General Nursing school ha mar pyrshah jong ka Nongstoiñ Civil Hospital ka la ïaid shait shait mynta.
Ka jingtei ïa katei ka jaka ai jinghikai ïa ki Nurses ka dei ka jingmyntoi kaba khraw ïa ki samla kiba don ka jingangnud ban leit pule bad ban pyntbit ha katei ka kam na ka bynta ban shakri ïa ki paitbah.
Ha kine ki snem ba la leit noh ka dang don tang ka school na ka bynta ki samla kiba pule ïa ka General Nursing Midwifery kaba la sdang ban trei kam naduh u snem 2015 hynrei ka jingdon jong katei ka jaka pule kam pat biang satia kumta na ka liang ka sorkar ka la idei ban pynheh shuh shuh ïa ka tei ka skul da kaba tei sa ïa ka Bsc Nursing School.
Ha ka jingleit jngoh u nongthoh khubor ïa katei ka GNM Nursing School ïa ïoh ban ïakren bad ka Dr. Elmis Areng kaba dei ka Principal jong katei ka GNM Nursing School bad haba kylli ba naduh ba la plie ïa katei ka GNM Nurisng school haduh mynta katno ngut ki Nurses kiba la pyndep ïa ka jingpule ha kaba ka la ïathuh ba ha katei ka skul ki don tang arpew seat bad ka por ba ki nurses kin pyndep ïa ka jingpule ka long lai snem.
Kumta naduh ba la plie ïa katei ka school ki don artylli ki batch kiba la pyndep ïa ka jingpule kata arphew ngut ha ka batch kaba nyngkong bad arphew ngut ha ka batch kaba ar bad na kitei ki saw phew ngut ki samla pule i don iwei i samla iba la ioh ba rung ha ka Top ten bad kawei ka samla ka ba fail.
Ka Dr. Arengh ka la iathuh ruh ba kitei ki samla kiba la pyndep ïa ka jingpule na katei ka skul ki dang hap ban leit pyntbit biang sha ki jaka sumar kata sha ki Hopsital kiba heh kum ha NEIGRIMS, Nangta ki don ruh kiba leit pyntbit ha ki Civil hospital bad ki PHC.
Nalor kata ka la ong ruh mynta ki samla pule kiba dei ha ka batch kaba lai , ba saw bad ba san ki dang ïaid shait shait bad ki samla kiba la ïoh ban rung ha ka batch kaba lai ki lajan kut ka jingpule kata kaba saw bad kaba san kin dang kham shim por ban pyndep.
