Jowai, Jylliew 04: Ki resol jong ki jingïalehkai jong ka lympung phutbol jong ki khynnah skul kaba la tip kum ka ‘District Level Inter School Subroto Mukherjee Cup Football Tournament 2025’ bala pynïaid da ka ophis u District Sports Officer West Jaiñtia Hills District, Jowai kaba la long hynne ka sngi Balang (04 tarik u Jylliew, 2025) haki ar tylli ki madan, ha madan Kiang Nangbah Stadium, Dongmihsngi, Jowai bad ha madan phutbol Wahiajer Multi Sports Complex.
Haba phai sha ki jingïakhun ha ka kyrdan Under-15 (boys) ka Padu H/S School Padu kala jop da ka jingïashut Tie breaker da 7-6 kol ïa ka Police Public School Jowai. Ka Thangbuli U/P School kala jop da ka jingïashut Tie Breaker da 3-2 kol ïa ka Achievers Secondary School Ummulong. Ka Lumpyrtuh Secondary School Mihmyntdu kala jop da 1-0 kol ïa ka Mukhla Raij H/S School Mukhla. Ka Don Bosco Secondary School Mihmyntdu kala jop da 2-0 ïaka Ummulong Presbyterian H/S School. Ka Mihmyntdu RC Eve Secondary School kala jop da 7-0 kol ïa ka KJP Synod H/S School Jowai. Ka Laishnong H/S School Nongbareh kala jop da 7-0 kol ïa ka Thadlaboh Presbyterian H/S School Jowai.
Ha ka Under-17 (boys) Ka Saw Lyngdoh H/S School kala jop da 1-0 kol ïa ka Little Flower H/S School. Nangta ha ka jingïalehkai kaba bud ka Amwi Thangbuli kala pynliem noh da 3-0 kol ïa ka H.K Singh Memoriak Secondary School. Ka Marian Hill H/S School kala jop da 2-1 kol ïa ka Albin Lamare School. Katba ka Govt. Boys H/S School kala jop da 6-0 kol ïa ka Laishnong H.S School.
