Jowai, Naitung 28: Ka Follow Up Examination 2025 ba la pynïaid da ka Education Sub Committee ka WjSU kaba la long ha ka 26 tarik u Naitung, 2025 kala long kaba ïaid beit ïaid ryntih ha Riwar Jaiñtia CoG Secondary School, Ladjaplem, Amlarem Civil Sub-Division.
Ka kane ka sngi thoh exam jong ka Follow Up Examination 2025 ïa ka written test la pynïaleh naduh ka por 9 baje mynstep haduh ka 12 baje mynsngi. Katba ïa ka Personal Interview la pynlong naduh ka 1 nohphai sngi haduh 3 waje janmiet.
Haka Section-I la long Panel Member da u babu Sunrise Manner (Retired Govt. Teacher), u Rikular Suchen (Finance Secretary, WjSU) bad uwei u nonghikai. Ha ka Section-II la long Panel Member da u Precious Suchen (Retired Horticulture Officer) ba ju khot ïeit Babu Hup bad uwei u nonghikai (Bor Langshiang). Ïa ka Section-III la long Panel Member da u Chief Adviser ka seng Bah Alban K Gashnga bad u President Rangbah ka seng samla Syndai Swer bad uwei u nonghikai.
Ki khynnah Top-20 jong ka First Warjaiñtia Scholarship Examination 2024 kiba la poi sha kane ka Competitive Examination ki long kumne na ka Section-I ki don 20 ngut, Section-II 20 ngut bad na ka Section-III 20 ngut.
Ka Education Sub Committee ka seng lyngba ka Education Secretary kala pynkhamti ïa ki answer sheet MCQ bad ki marks ha ki Personal Interview sha ka Expert Committee ban correct ïa ki paper bad ha ka taiew ba nyngkong jong u bnai ban wan yn pynbna ïa ka result jong ki successful candidate ki ban ïoh ïa ka Scholarship 1000/- tyngka shibnai na ka bynta 12 bnai. Pynkut ka kyrwoh na ka samla Grateful A Pohthmi kaba dei ka Education Secretary WjSU Central Body, Amlarem.
