Jowai, Nohprah 13: Ka Second Warjaiñtia Scholarship Examination 2025 ba la pynïaid da ka Education Sub Committee ka seng WjSU mynta ka sngi 13 tarik u Nohprah, 2025 ka la long kaba ïaid beit ïaid ryntih. Ki khynnah skul na baroh 3 section kila dep ïaleh ïa kane ka Competitive Examination mynta ka sngi ha ki 15 tylli ki Examination Centres hapoh ka thaiñ War Jaiñtia.
Na ka liang ki khynnah skul kiba wan shim bynta ha kane ka Competitive Examination ki long 822 ngut barok.
Ka Grateful A Pohthmi, Chairperson jong ka Education Sub Committee ka seng ka ai khublei kyrpang ïa ki nonghikai ba ap exam (invigilator), ïa ki volunteers ka seng, ïa ki skul ba ai lad ban pynlong examination centres ha ki skul jong ki bad ka jingïatrei lang bad ka jingkyrshan jong ki paid ka Warjaiñtia, kaba la pynlong ïa kane ka Competitive Examination kaba jop mynta ka sngi.
Ha kawei pat ka liang u Gabriel Shylla, Publicity Secretary ka seng u kwah ban pyntip ba ka “Scholarship Distribution Ceremony”jong kane ka Second Warjaiñtia Scholarship Examination 2025 kan long ha ka 22nd December 2025 ha compound ka skul Riwar Jaintia CoG Secondary School, Ladjaplem, Amlarem, Amlarem Civil Subdivision, West Jaiñtia Hills District, Meghalaya haka por 11:30 mynstep.
Ha kane ka Scholarship Distribution Ceremony yn wan Pynshngaiñ bad ai mynsiem ïa ka seng da u Lahkmen Rymbui Local MLA bad kumjuh ruh u Education Minister ka sorkar Meghalaya kum u Kongsan. Ka kong Dolly Khonglah Prominent Business Personality ka thaiñ Warjaiñtia bad khumjuh jong ka thaiñ Mihngi ka ri India kum ka Symbud Kongsan, u Roy Synrem President HYC Central Body bad Eldie N Lyngdoh General secretary FKJGP Central Body kin long ki symbud Kongsan ba ar jong kane ka event.
Ïa ka Result jong kane ka Second Warjaiñtia Scholarship Examination 2025 yn pynbna haka 17th December 2025 ha ka por 4 shiteng janmiet.
