Shillong, Naiwieng 11 : Ka lympung ïalehkai football ba hynriew jong ka Sunfeast Cup Football Tournament 2022 ïa kaba la kyrshan da ka Sunfeast Bounce, kaba la sdang myn ha ka 26 tarik u Nailur, 2022 ka la kut noh ha kaba palat 2700 ngut ki nongïalehkai ki la sei bad pynpaw ïa la ki sap ki phong bad pyni ruh ïa ka jingsngewtynnad jong ki ïa ka jingïalehkai football. Naduh ba la sdang ïa kane ka lympung ha ka snem 2015, ka lympung ïalehkai football ba don burom ka la lah ban ïarap ïa kumba palat 20000 ngut ki nongïalehkai ban pyni ïa ki sap ki phong jong ki.
U kapten barim ka India U Bhaichung Bhutia u la ïadon lang ha ka sngi ïalehkai final ha madan ïalehkai jong ka Sports of India (SAI) ha ka Nongbah bad u la sam ïa ka khusnam sha ka kynhun lahduh kata ka Manipur Marshals (U- 13) bad Manipur Marshals (U-16) kiba la long ki nongjop ha kane ka lympung ïalehkai ban ïakhun ïa ka Sunfeast Cup trophy.
Ka ITC Sunfeast ka pyrshang ban lum ïa ki khynnah kiba tbit bad kiba don ka jingthrang ban ïalehkai phutbol na ki skul bad ki club bapher bapher ha kine ki shibnai shiteng. Kawei na ki shnat ba paw jong ka Sunfeast kata ka Bounce ka la pyrshang ban pynïasoh bad ki khynnah skul ka thaiñ bad ban pynsaphiriang ïa ka jingieid ïa ka jingïalehkai football lyngba kiei kiei kiba pynsngew tynnad bad ki jingïalehkai kiba shongshit.
