Shillong, Risaw 28 : Mynta ka sngi ka 28 tarik na ka liang ka Meghalaya State Council of Contractors and Suppliers Welfare Association (MSCCSWA) ka la leit ban ïa kynduh ïa u CEM ka KHADC bah Winston Tony Lyngdoh ha kamra trei kam jong u bad la ïoh ban ai ruh ïa ka memorandum ha ka ba ïadei ban pynsangeh ïa ka TRADING licence ïa ki non tribals contractor halor ki kam ba dang dei ban trei da ki local contractor bad la ïa tai ruh ïa bun ki mat ha ka ba ïadei bad ki kam ha manla ki department bad Sorkar Pdeng ne Sorkar Jylla ba kim dei ban ïaid lait lyngba ka District Council bad na ka liang u CEM u la pynpaw ba un ïatreilang bad ngi ka Association ha ka ba ïadei bad ka jingkhang lad bad ban teh lakam ïa ki briew bad ki company ki ba na bar ki ba wan ban rung khlieh ha jylla ban trei ia ki kam ki jam.
Te la kyrpad ïa baroh ki contractor jong kane ka kynhun ban sngewbha ba phin shimkhia ha ka ba ïadei bad ka tai ka issue bad ban ai jingtip ba lada don kino kino ki department, ki central office bad ki wei pat ki Agencies ki ba pynkheiñ ïa ki kyndon aiñ jong ka trading licence ba phin sngewbha ban ai jingtip sha ki nongïalam ka Association khnang ba ka jing khynra TRADING licence yn ïaid lyngba ka Association ryngkat lang bad ka KHADC ban ïatreilang na ka bynta ka jingbha halor ka ïoh kam ïoh jam lyngba jongngi kum ki contractor tribals halor ka Jylla Sixth Schedule.
