Ïa ka jingktah ka Hypertenshion lane ka jingkiew ka Blood Pressure lah ban tehlakam ïa kane tang lyngba ki jingjied bad phikir dalade ïa ki jingbam ha ka rukom im jong ki. Lada phi don hapdeng ka jingktah ka hypertension phi donkam ban tehlakam mardor. Lada la shu ieh khlem da sumar ka kyntiew shuh shuh ka jingkiew ka blood pressure bad ka lah ban buh jingma ïa ka koit ka khiah. Ka High blood pressure ka dei kaba kynrei ha ka jingim briew bad kaba pynthut khah khah ia ka koit ka khiah. Kane ka lah ban wanjia na ka daw ka jingduna ban jied ki jingbam batei, ka rukom im bym don jingshongsuk ha ka bor pyrkhat bad ym don jingtei ha ka liang ka koit ka khiah, ka jingtynrah ka jingmut jingpyrkhat bad bun kiwei de ki long ka daw jongka jingktah ka hypertension lane ka jingkiew ka blood pressure. Lada kiew palat ka blood pressure phi don ka jingshah ktah ha ka liang ka bor ring bad pynhiar mynsiem, ka jingmih snam na khmut, ktha khlieh, ka jingthut ka rukom ring mynsiem, ka jingpang shadem, ka jingthait palat. Haba phi ngat ha kane ka jingpang hypertension, ki don katto katne ki lynti ba phi donkam ban bud.
Ki lynti ba donkam hapdeng ba kiew ka jingdon ka blood pressure :
Ka jingpynkylla khyndiat ka rukom bam: Ki jingbam baphi bam ki don ka bynta kaba khraw halor ka jinglah ban pynbiang ka jingdon ka blood pressure. Ka jingkynthup bun ka fibre ha ki jingbam ba phi bam, pynduna ka mluh bad ka shini. Kiar ban bam ki jingbam ba la pynkhreh lypa. Phi donkam ruh ban pynduna ka caffeine. Phim dei ban klet ban kynthup bun ka potassium ha ki jingbam ba phi bam. ka potassium ka dei kaba lah ban pynduna ka jingkiew ka blood pressure. Ki katto katne ki jingbam ba riewspah ban don ka potassium ki kynthup ka kait, palong, motor, sohkhia bad kiwei de ki jingbam.
Ka jingtehlakam ka jingkhuslai : Ka jingkhuslai ka dei kaba lah ban ktah ha kiba bun ki liang ïa ka koit ka khiah. Ka dei kaba lah ban ktah ïa ka bor pyrkhat bad jingtreikam ka jabieng. Ka jingkiew ka blood pressure ka wallam ruh ka jingkiew ka jingkhuslai. Ka jingtehlakam ka jingkhuslai ka dei kaba lah ruh ban tehlakam halor ka jingpang klongsnam.
Ka long kaba donkam ban pynbiang ka jingkhia: Phi donkam ban pynbiang ka jingkhia lada kwah ban pynbiang ka jingdon ka blood pressure. Ka jingbiang ka jingkhia. Ka jingbiang ka jingkhia ka dei kaba kongsan ha ka jingmyntoi ha baroh kiliang ka koit ka khiah. Phi lah ban pyrshang ha kiba bn ki liang na ka bynta ban pynbiang ka jingkhia kaba lah ban kyntiew ka koit ka khiah u klongsnam. Dih shibun ka um, bam ki jingbam batei, kiar ban dih ki jingdih kiba thiang bad kilan met manla ka sngi. Ka jingkilan met manla ka sngi ka long kaba kongsan halor ka jinglah ban pynbiang ka jingdon ka blood pressure.
Ka jingjied kumo ban ïada: Phi lah ban long ka daw halor ka jingthut ka jingpaw ban don ka blood pressure da ki jingmlien kiba ym don jingtei, kum ka jingshong slem palat hajuh, ka jingjied ki jingbam ba ym don jingtei, ki jingdih ba jur ka shini napdeng kiwei de. Phi donkam ban pynkhih ka met ka phad man ka sngi. Ka jigjied ki jingbam ba bun ka fibre. Kine ki jingpynkylla kiba rit ki dei kiba lah ban ïada ka jingkiew ka blood pressure.
