Shillong, Rymphang 25: U Myntri ka tnad pule puthi jong ka sorkar u Bah Lahkmen Rymbui u la pynpaw ba ka eksamin na ka bynta ka Secondary School Leaving Certificate (SSLC) 2026 yn pynlong ha u bnai Nohprah, mynta u snem.
Ha ka jubab ba la wanrah ha ka iing dorbar ha ka sngi Balang, u bah Rymbui u la ong ba ka sorkar jylla ka la rai ban pynlong ïa ka eksamin SSLC na ka bynta u snem 2025 ha u bnai Nohprah ban pynkut noh ïa ka jinghikai hapoh shisnem.
Hynrei namar ka jingkyrpad jong ka Meghalaya Board of School Education (MBoSE), da kaba kdew ïa ki daw ba kam long kaba ïahap ban pynlong ïa ka eksamin SSLC ha u bnai Nohprah 2025, hynrei la pynkynriah noh ïa ka eksamin sha u bnai Kyllalyngkot 2026.
Ha ka sien ban wan, u Bah Rymbui u la ong ba ka eksamin SSLC 2026 kan wanphai biang sha u bnai Nohprah katkum ka jingbthah jong ka tnad pule puthi (Education Department).
