I donkam u Myntri ban tei ïa u mot khlawait ha phyllaw ka DLA bad ha lad Kiang Nangbah Govt College

Jowai, Jylliew 13: Shi bynta ban pynsah nam ïa u Khlawait ka Ri-Lum Jaiñtia u who Kiang Nangbah, na ka liang u Myntri ka sorkar jylla u bah Sanbor Shullai mynta ka sngi ha ka jingwan hiar sha Jowai ban ïa khynduh ïa ki nongïalang ka Synjuk ki Waheh Shnong Jowai bad ki dkhot ka Jaiñtia Student Union.
Ha kane jingwan jngoh ula i donkam ban tei ïa u mot sah nam jong u Kiang Nangbah ha ki ar jaka, uwei ha phyllaw ka District Library bad uwei ha lad kaba don hajan ka KN Govt. College Jowai ha ka jaka jong ka tnad Transport.
Ïa kane la dep ban dawa dang ha kine ki khyndiat sngi da ka JSU sha u myntri ban pynurlong ïa kane ka jingdawa lyngba ka tnad Arts and Culture ban kan bei pisa ban shna ïa utei u mot Kiang Nangbad.
Ha ka juh ka por kane kan ïarap ban tip bniah shaphang utei u Khlawait ka Ri bad ka jingdon une u mot sahnam ha kitei ki jaka kan dang pynkiew ïa ka riti ka dustur jong ki longshwa bad kan long ruh ka lad ban ai mynsiem ïa ki pateng ba dang wan ban kin don ka mynsiem jingïaleh kum u Kiang Nangbah.