Nongstoiñ, Naitung 17: Ka Hynñiewtrep Youths Council Mawshynrut Circle ha ka jingïalam u President Samla Losbingwel Lyngkhoi, ka la leit ïakynduh ïa u Deputy Commissioner jong ka West Khasi Hills Bah Garod halor ka jingeh jong ka dong ka thaiñ, khamtam ka jingbym don jong ki tnad treikam ki office bapher bapher hapoh ka thaiñ.
Kumba la ju tip, ka Civil Sub-Division Mawshynrut ka lah don kumba 6 snem tam hynrei ki jingduna kiba bun ha ki don ha ka jingïakynduh ïa u DC, na ka liang u DC u la ong ba ka jingeh jong ka jingbym don ki tnad treikam ba biang ha Civil Sub-Division Mawshynrut, ka dei beit ka jingbym don ïa ka Permanent Office jong ka Civil Sub-division Mawshynrut.
Kane ka pynlong ïa ka jingbym don pura ki tnad treikam jong ka sorkar ha kane ka Civil Sub-division, na ka liang u DC u la ong ban don noh ïa ka Permanent Office jong ka Civil Sub-division Mawshynrut. Kumba long mynta ka lah don lyngba ka jingdon pura ïa kane ka office, ka mut ki tnad treikam jong ka sorkar ki lah don beit. Hynrei, kumba long mynta ka shitom namar bym don ïa kane ka office kaba biang ka eh ïa ki nongtrei sorkar ban ai ka jingshakri kaba bha ïa ki paidbah.
U la ong ba ka proposal Budget ïa ka Civil Sub-division office 2005 kane ka proposal kam ïahap shuh mynta lah buh thymmai da kawei halor kane. Kumta na ka liang ka Seng ka kyntu ïa u DC ban shimkhia halor kane ka bynta kumjuh ïa u nongmihkhmat jong ka dong ka thaiñ.
Ha ka juh ka Seng ka kyntu ïa u Assistant Executive Engineer jong ka PWD Building, ban pynkloi noh ïa ka proposal Budget ba thymmai halor katei ka office Building jong ka Civil Sub-division Mawshynrut. Ka Seng halor kane ka bynta kan dang ïai buddien khnang kan ai jingmyntoi ïa ka dong ka thaiñ jong ngi.
