Shillong, aïong 20: Ka tnad Pulit, namar ka jingbun ki riew shukor kiba ak ïalde kum ki heh sorkar ban thok briew lyngba ki Social Media, ka la pynmih ïa ka jingbthah sh abaroh ba kidei ban pule husiar bha ban lait na kiba kum kine.
Ka kyrwoh jingbthah ki Pulit ka ong ba ki nongleh kam sniew ki pyrshang ban lum jingtip shaphang ki ophis sorkar lane ki jaka trei kam bad ki nongtrei ophis lyngba ka internet kum ki kyrteng,kyrdan,phone nombar,ki dur (jong ki heh ophisar lane ki ba bad kam ha ki ophis bapher bapher).
Hadien nangta ki sdang ban pynndonkam bakla ïa ka kyrteng bad ka dur jong ki heh ophisar jong ki ophis bapher bapher kiba lah ïoh lum lyngba ka internet bad pynphriang ha ki social media site, email, messenger app bad khamtam lyngba ka Whatsapp ban shukor ia ki ba iatrei lang.
Nangta ki sdang ban pyrthuh bud kum u heh ophisar bad phah email/message sha ki kato kane ki briew ba ïatrei lang da kaba ong ba ki don ha ka jingïalang kaba kongsan bad kim lah ban phone, kumta ki sdang ban kyrpad na ki ba shah thok ban thied ia ki Amazon E-gift card na ka bynta jong ki bad phah ïa ki sabut lyngba ka Whatsapp ne Email.
Wat ngop ha kum kita ki jingshah pynbiej lyngba ki emails lane messages.
La bthah ruh ban pyntikna shuwa na ki ophisar jong ki shuwa ba kin siew lane thied.
Lada ïoh ïa kum kita ki whatsapp message dei ban report bad block ïa u nombar lyngba ki whatsapp jong phi bad phah ia ki jingujor jong ki lyngba ka link cybercrime.gov.in bad ai ryngkat ka dur jong ka message ba phi ioh.
