Khliehriat jylliew 16: U Deputy Commissioner ka East Jaiñtia Hills District, u Abhilash Banarwal, IAS ha ka hukum ne jingpynbna ba la pyllait paidbah mynta ka sngi, u la kyntu jur ïa ki paidbah ba kin kiar katba ban ïaid lyngba na ka surok national highway East Jaiñtia Hills District, namar ka jinglong jingman ka surok kaba naduh Nongsning ter ter shaduh ratacherra ka buh jingma ïa ki nongliet nongwan.
La ong ba lada jia ba don kino kino ki kam kiba kyrkieh ki bym lah shuh ban lait, kita kiba iaid ruh ki dei ban da long peitngor bad da da phikir bha, namar ka bynta jong ka surok national highway ha Lumshnong hajan ka Tool gate plaza mynta ka la twa jur palat bad buh jingma ïa ki kali kiba ïaid, la ong ruh ba kane ka hukum kaba wan na ki bor synshar district jong ka East Jaiñtia Hills District kan treikam mardor tat haduh ban da pynbna da kumwei pat.
