Jowai, Ïaïong 22: Ka Hynñiewtrep Integrated Territorial Organization (HITO) West Jaiñtia Hills District hapoh ka jingïalam u President u samla Wanbiang Pulang ha ryngkat ka jingïadon lang ki nongïalam ka HITO Khliehtyrshi Area kila hiar jurip ban kylli bniah halor ka jingpynkynriah ïa katei ka Check Point na Mookyndur sha Khliehtyrshi khlem kano kano ka jingpytip paidbah lane ka Notification.
Kum ban shu pynkynmaw ka seng kala dep ban buh ïaka dorkhas naduh u snem 2021 ban pyrshah jur ïaka JHADC ban ai wai ïaki ar tylli ki Non Tribal Check kawei ha East Jaiñtia bad kawei ha West Jaiñtia Hills halor ka nongrim ban talasi ïaki kot ki sla jong ki bar jylla kiba wan ba kit ïa kino kino ki mar hapoh u pud u sam jong ka rilum Jaiñtia.
Hynrei kaba pynlyngngoh kaka seng pat ba ka JHADC ka ai wai ïakine ki check point sha ki riew shimet da kaba shim tang ïaka bai wai iba rit ka ba khlem wan rah jingmyntoi ïaka Council ei ei ruh em nalor ba ka JHADC ka don ha pdeng ka jinghiran pisa kaba jur naduh ba khang ïa u dewïong.
Shuh shuh ka seng ka la dawa na ka JHADC ban ai jingshai halor kitei ki check point ïaka jong ïohmyntoi jong ka lyngba ka jingai wai ïaki sha ki riew shimet namar katkum ka jingïohi ka seng ka long ba ka jingmyntoi ka long da kaba pynïaid hi ym da kaba ai wai shaki riew shimet.
