Nongpoh, Lber 08: Kiba bun ki nongtrei ha ICAR bad ruh ki ophisar ki la her mynsiem, kaba dei hadien ba mynta ka sngi ha ki bynta ba shaneng ka ICAR ka la kem ding kynsan, ha kaba la suba ba ka lah ban dei ka jingthang dusmon ki riew shim kabu.
Kane ka jingkem ding ki bynta ba shaneng ka ICAR ha Umïam ka la jia mynta ka sngi ha ka por 2 baje ei mynsngi, ha kaba na ka jingpur ding kynan ha ki bynta jong ka khlaw, ki nongtrei ka ICAR bad ki nongtrei ba marjan ha ICAR ki la hap ban mih paidbah na ka bynta ban pynlip ïa katei ka ding ba kan nym buh jingma ne pur sha ki ophis treikam bapher bapher jong ka ICAR.
Ki nongtrei na ICAR ki la pynpaw, ruh ba kane ka jingjia la lah ban tem ïa ka ding, namar mynta ka sngi dang duna ka lyer bad la jin ba dei ha ka por ba heh lyer ka la buh jingma shisha ïa kibun ki ophis treikam ka ICAR ba ka ding ka la shu klang bad la jynjar ban pynlip na ka jingtyrkhong ki khlaw ha kane ka aiom tyrkhong.
Shuh shuh, la ong ruh haduh ba la lah ban pynlip ïa ka ding ym shym la wan poi ki kali pynlip ding bad dei lyngba ka jingïatrei lang ki nongtrei ICAR la lah ban pynlip noh ïa ka ding ban ym ailad ba pur sha ki jaka ba don ki ophis treikam bapher bapehr ka ICAR ha Umïam.
