Hapoh 24 kynta pyntip sha ki Pulit haba pdiang ïa kino kino ki bar ri, bthah u SP ka WGHD

Tura, Ïaiong 10: Ki pulit ka jylla Meghalaya ki la pynmih ïa ka jingbthah kaba la bthah ïa ki briew bad ki jaka ba pdiang ïa ki bar ri ne foreign nationals ba ki dei ban ai ïa ki jingtip ba bniah hapoh 24 kynta hadien ba ki la wan poi.
Katkum ka jingong u Superintendent of Police (SP) ka West Garo Hills u Abraham T Sangma u la ong, kane ka long kaba donkam ha kaba ïadei bad ka Form-III, kaba la bthah katkum ka ain immigration and foreigners act, 2025, bad ka rules, 2025.
“Kane ka sienjam ka long kaba donkam ban pynthikna ïa ka jingbud ryntih ïa ki aiñ jong ka ri India bad ban kyrshan ïa ki jingpyrshang ban ïada ïa ka ri,” ong u Sangma.
Kane ka jingbthah kan treikam ïa ki hotel, ki guest house, ki lodge, ki ïing sah wai, ki hostel, ki skul, ki kolej, ki hospital, bad ki riew shimet kiba pdiang ïa ki bar jylla.Ïa ki jingtip ba bniah dei ban ai online lyngba ka portal jong ka Bureau of Immigration.
“Ka jingbym kohnguh ïa kane jingbthah ki lah ban khring ïa ka jingshah pynshitom katkum ki kyndon ain kiba ïadei”, la maham u SP.
La kyntu ïa ki nongshong shnong bad ki nongiadon bynta ban pynphriang ïa ki jingtip sha kylleng ban pynthikna ïa ka jingpynsngewthuh bad jingbud ryntih.
Ki pulit ki la pynpaw ïa ka jingdonkam ban kohnguh, da kaba kdew ïa ka jingeh ha ka jingshngain jong ka ri.Kane ka jingbthah ka long shi bynta ban pynbeit ryntih ïa ka jingpdiang ïa ki mynder ri ha West Garo Hills district.