Shillong, Jymmang, 10: Ka Mawmluh Cherra Cements Employees Union (MCCEU) kaba dei ka kynhun jong ki nongtrei ka Mawmluh Cherra Cements Limited (MCCL) ha ka sngi Baar ka la aipor tang 15 sngi ïa ka Sorkar ba kan pyllait noh ïa ka tulop ba dang sahteng jong ki nongtrei.
Ha ka dorkhas ba la phah sha u Managing Director ka MCCL, Head Office Shillong ba la soi da u President u Bah Shanlang Diengdoh bad u General Secretary u Bah Pynskhem Lyngdoh, ka Union ka lada ba dei ban pyllait noh ïa ka tulop jong ki nongtrei tad haduh ba ynda pyntreikam biang ïa ka karkhana kumba ju long ha ki snem baladep bad ban siew lut ïa ki jingsiew ba la sah pongding kumba la pynbna da ka Sorkar.
Ka Union ka la dawa ba dei ban pyntreikam noh mardor ïa ka karkhana.
“Ïa ka VRS ne ka Golden Hanshake Scheme dei ban pyntreikam noh sha ki nongtrei kiba kwah ban shim kumba la long ha ki snem baladep ïa kaba la pyntreikam naduh u snem 2017,” ong ka Union.
Ka Union ka la maham lada kane ka jingdawa kam treikam ka Union kam banse ban pynlong da ka jingïakhih.
