Nongpoh, K’Lyngkot 28: Ka skulbah University of Science and technology Meghalaya haka 26 tarik mynta u bnai kala rakhe ïaka Republic Day ba 77 jong ka ri hapdeng ka jingiphuh iphieng bad ïa katei ka jingrakhe la pynlong ha Amenity Centre ha phyllaw jong katei ka skulbah.
Ha kane ka jingrakhe la sakhi ruh da ka jingdonlang u Mahbubul Hoque Chancellor, Prof GD Sharma Vice Chancellor, PRO, Vice Chancellor Padma Shri Dr. Sarbeswar Sahariya, ki Principal na PIMC, IAMC, RINE ki nonghikai, ki samla pule, ki NCC cadets bad kiwei kiwei ryngkat ki nongtrei katei ka skulbah.
Ïa katei ka jingrakhe la sdang da ka jingkyntiew ïaka lama lai rong jong ka ri, ryngkat ka jingrwai ïaka National Anthem bad ruh ka jingbam smai ban pynneh bad burom ïaka riti synshar jong ka ri India.
U Mahbubul Hoque haba kren ha kane ka sngi u la batai ba balei ka ri India ka rakhe ïaka Republic Day bad kum ka ri ka donkam ïaki samla ban kiew shaphrang haka pule ka puthi, ban kyntiew ïaka ri shalor bad shaphrang katkum ka riti synshar bala pynkupbor.
Shuh shuh ha katei ka sngi nalor ka jingïaid paidbah ryngkat ki lama ban pyni ïaka long kawei bad ka jingïatylli naka liang ki samla pule kila shim bynta ruh haki prokram bapher bapher, ban pyni ïaka jingkiew shaphrang jong ki samla bad ka ri haki liang baroh.
