Shillong, Nailur, 25: Ka Rotary Club Shillong Heritage (RCSH) dang shen ka la pynlong ïa ka jingïathir ïatai halor ka New Education Policy (NEP) 2020.
Kane ka jingïathir ïatai halor ka NEP 2020 kaba la long ha Asian Confluence Conference Hall, Laitumkhrah, Shillong ka long kum shi bynta ka jingbuh thong kaba shi sien shi snem ban phaikhmat sha ka Basic Education and Literacy.
Ka phang ïatai ha kane ka sngi ka long “The NEP 2020: From Vision to Reality,” da kaba buh jingmut ba ka ri baroh kawei bad ka thaiñ Shatei Lammihngi baroh kawei ka don hapdeng ka jingïakhun kumno ban pyntreikam ïa ka New Education Policy da kaba wanrah ïa ki mat ïatai kum ka vernacularity, ka multi disciplinarity, ka professional and vocational education, ka indigenous knowledge system bad ka principle of multiple entry and exit policy.
Ha kane ka janmiet la ïashim bynta ha kane ka jingïathir ïatai da ki kynhun bapher bapher kiba kynthup ïa ka Prof Brinda Bazeley Kharbirymbai, na ka Department of Education, NEHU, ka Dr Careleen Kharmalki ka Asssistant Professor jong ka DERT, ka Sorkar Meghalaya, u Rtn. Abhijit Sharma uba dei u Mission Director, School of Livelihood and Rural Development, Dr Sima Saigal, Associate Professor ka NCERT- NERIE bad Prof H. Srikant, Professor of Political Science, NEHU.
Hadien kane la pynlong pat sa ïa ka jingïakhih hapdeng ki resource persons ba ki nongïashim bynta kiba kynthup na ki skul, ki nonghikai kolej bad ki principal.
Ïa kane ka jingïathir ïatai la kyrshan da ka Rotary District Literacy Chair (DLC) bad ba la plie paidbah da u Advisor, DLC, RID-3240, u Prof. Bibhash Chandra Das Purkayastha.
