Shillong, Rymphang 15: Ka jingkem briew jong ki Pulit jong ka West Garo Hills District ha kaba ïadei bad ka jingshah pynïap u Dilseng Sangma uba dei u dkhot jong ka ACHIK, mynta ka poi sha ka 11 ngut.Kum ban shu kdew ba u Dilseng lem bad kiwei de ki long pyrshah ïa ki kam tih maw beain ha ki par maw.
Sa lai ngut ki briew kiba la phet rieh kiba donkti ha ka jingjia ha Rajabala, la ïoh ban kem noh da ki pulit na kylleng ki jaka jong ka ri lum Garo bad ruh na Tripura ha kine ki khyndiat sngi.Katkum ki Pulit, ha ka 8 tarik u Rymphang ki pulit kila pynlong ka jingkhynra ha kaba ki la ïoh ban kem ïa u Gulbahar Sheikh 45 snem ka rta na ka shnong Bhaitbari, bad ha ka 11 tarik kila ïoh sa ïa u Mominul Hoque 40 snem ka rta na Sidakandi.
Ha ka step 12 tarik mynta u bnai Rymphang ki Pulit ki la leit sha ka jylla Tripura ban khynra ïa kawei ka ïing ha Agartala bad kila ïoh ban kem ïa u wei u Mozidur Islam uba dei na Bhaitbari.Ki Pulit kila wan phai noh na Agartala ha ka step sngi Thohdieng bad baroh kine kiba la shah kynnoh la ïalam noh ha khmat ka ïing bishar.
