Jowai, Nohprah 13: Ka Khasi Student’s Union (KSU) haka ka jingïadon lang u President ba Rangbah duh ka Seng u samla Lambokstar Marngar bad u General Secretary Samla Donald V Thabah lem bad ki Nongïalam ka KSU West Jaiñtia Hills kila Leit hiar sha Mukroh ha ka sien kaba ar ban leit jngoh bad ai mynsiem ïa ki longïing jong kito ki lanot kiba shah siat ïap ha u kuli jong ki Pulit Assam.
Ha katei ka sngi ka seng ka la ïa kynduh ruh ïa ki Pulit nongap pahara ha katei ka jaka kiba la ïathuh ïaka jingduna Ki Pulit bad ruh ki Tiar jingïada.
Na ka liang ka seng ka la lap ba haduh mynta ym pat don ki dak ki shin ban buh ïaka BOP ha katei ka jaka bad kane kaba long ka jingeh bad ka jingbym shngaiñ ïa ki nong Shong Shnong.
Ka seng haka jingïa kynduh bad ki nong nongïalam Shnong kiba la pynsngew ba ki dang don haka jingeh bad bym sngew Shngaiñ ba lada ka sorkar kam lah ban buh ïaka BOP haduh ba kut u Pud jong ka Shnong kam don jingmut, la pynkut ka seng.
