Haduh lano ka sorkar kan pyntrei ïa ka surok Mawthir-Kyrshai buh jingkylli ki paitbah

Nongstoiñ Rymphang 22: Ka surok arlaiñ ba ka sorkar ka la pyntrei ha kawei ka Kompeni kaba la tip kum ka National Highway Infrastructure Develoment Corporation Limited (NHIFCL) kba la kdew ha ka signboard kaba heh bha bad katei ka surok ka dei na Nongstoiñ – Kyrshai – Chaygaon haduh Guwahati Airport lyngba ka Rambrai bad kiwei kiwei ki shnong kiba katei ka surok ka ïaid lyngba.
Ha kine ki snem ba la dep tang mar shu sdang ban pyntrei ki paitbah ki la pynkmen haduh katta katta hynrei ki paitbah kim lah pat ban pei phang ïa ka jingmut jong ka sorkar namar haduh mynta ka jingpyntrei ka deii tang ïa ka phase I kaba poi haduh ka shnong Mawthirhynrei ym shym pat lah ban pyndep.
Ka jingsuki jong ka NHIDCL ban pyntrei ïa ka phase I ka buh jingeh bha ïa ki paitbah ka thaiñ rimen ha ka leit ka wan khamtam habaki don kam ban leit sha Kyrshai.Kumta ha kaba ïadei bad ka phase II na ka liang ki paitbah katei ka thaiñ ki la buh jingkylli ïa ka sorkar ba lano ka jingpyntrei ïa ka phase II kan sdang lane kan shu pynkut noh tang ha ka phase I.
Haba twad jingmut na ki paitbah ka thaiñ rimen ki la ong ba kat kum ki dak ki shin kiba paw ha ka sign board kaba la pynïeng ha Mawrusyiar la ïohi ba ïa ki shnong na Kyrshai sha khmat kiba la kdew ba katei ka surok ka dei ban ïaid lyngba la dep pyndam bad ka la pynlong ïa ki paitbah ba kin tharai sniew ba ka sorkar imat kan ym pyntrei shuh ïa ka phase II.
Ki paitbah ki la ong ruh ba ka jignjngai na Nongstoiñ haduh Kyrshai ka long tang hynñiewphew kilomitar hynrei haba don kam ban leit sha Kyrshai hap ban leit sha Nongstoiñ ha kaba ka jing jngai haduh Kyrshai ka don kumba shispah hynriewphew saw kilomitar.Khatduh eh ki paitbah ki la kyntu ïa ka sorkar ba lada ïa ka phase II kan pyntrei ka dei bnan pynshai khnang ba ki paitbah kin ym sah ha ka lyngoh.