Shillong, Nailar 27: U Bah Disparsing Rani, uba long u nongwad RTI ba pawnam jong ka jylla, u la lap ba ka don ka jingïapher haduh 71 klur tyngka ka bai ïoh lum bai ding elektrik na Rilum Garo bad na Rilum Khasi Jaiñtia.
Haba pyntip sha ki lad pathai khubor mynta ka sngi ha ka jinhgïalang ha Shillong Press Club, u Bah Disparsing u la ïathuh ba ka jingïoh lum bai ding elektrik na Rilum Garo ha ka shi bnai ka long 10 klur tyngka, katba na Rilum Khasi Jaiñtia pat long haduh 81 klur tyngka.
Lyngba ki kot ki sla kiba u la ïoh lum da kaba wan RTI, u Bah Disparsing, u la ïathuh pat ha kaba ïadei bad ka jingthied bording elektrik da ka MeECL, ki kot ki sla ki pynpaw ba ka ki don ki Kompeni kiba die haduh 8 tyngka shi Unit katba ka MeECL pat ka die sha ki paidbah ha ka dor 5 tyngka shi Unit. Hynrei ki don ruh ki Kompeni kiba die sha ka MeECL tang ha ka dor 3 tyngka shi Unit.
