Shillong, Nailar 02: Ka Social and Economic Life Development Department (SELDD) jong ka Khasi Jaintia Presbyterian Synod Sepngi lyngba ka Agency for Sustainable Development Initiative (AfSDI) ka la rai ban pynjlan biang ïaka tarik pynrung kyrteng (register) ïa kino kino kiba kwah ban ïashimbynta haka Marathon kaba la tip kum ka ‘Shillong Run- 10K, 2023’ kaba la thmu ban pynlong ha ka 12 tarik mynta u Nailar, 2023 naduh ka por 5:30 baje mynstep, ka ban sdang na Parking Lot, Polo.
Ka phang lane ka Theme jong kane ka jingïakop mareh ka long : ‘Run with different abilities’ ryngkat bad ki katto katne ki jingthmu ba ha khmat eh kumba la bthah hangne harum:
(1) Ban pynsngewthuh ïa ki jingeh bad ïa ka jinglong ryngkat dor ki briew ba don jingduna ki dkhot (2) Ban
pynmih pisa (fund) na ka bynta ki project kiba ka Synod ka la seng na ka bynta ki khynnah kiba don ki jingduna ha ki dkhot met, kata: Mairang Vidyajyoti Inclusive Secondary School, Mairang, Community Based Rehabilitation
Centre, Mairang bad Rev. Amirkha School for Disabled, Mawlai.
Kino kino kiba kwah ban pynrung kyrteng ïalade ban ïashimbynta ha kane ka jingïakop mareh ka ban sa long mynta u bnai ki lah ban thep lyngba ka Online Registration da kaba shu scan ïa u ‘QR Code’ kiba ka SELDD ka la buh ha ki Flyer bad Ki Banner. Lah ruh ban thep kyrteng lyngba ka Offline Registration lyngba ki Form kiba lah ban ïoh na ka Ophis treikam jong ka KJP Synod Sepngi, Mission Compound Shillong lem bad kine ki jaka; Rubok Sports, Umsohsun, Dazzle Sports,Laitumkhrah, Weson Electricals sale and Service, Mawlai stand Bus, Mebaai Sports, Polo, Ms Nongrum Enterprise, Dong Spengthawlangmlah, New Nongstoin. 9402546842, na i TBn I.D Nongsiej, Mairang. 8730946570, na Marwein Restaurant, Mawkyrwat South West Khasi Hills (Oposite MCAB Bank) 8974190977, Tiewla Enterprise, Sohra (7085885477).
La shah ruh ïa ki briew ba don jingduna ha ki dkhot bad la phiah ïa ki ha ki ar Category, kata hapoh ka 15
snem (Juniors) bad shaneng ka 15 snem (Seniors) kiba lah ban ïashimbynta khlem da siew ïa ka bai pynrung kyrteng. ïa ki Chest Number yn pyndait da ki Timing Chip ryngkat ki ar tylli ki Timing Machine.
Ka lynti na ka bynta kane kane ka jingïakop mareh na ka bynta ki Senior (18 snem shaneng) – kan long naduh Parking Lot, Polo Ground – Jingkieng (Polo Bazar) – Lad Lawmali – Jaiaw Jingthangbriew – Jaiaw Mawbynna – Jaiaw St. Joseph – Jaiaw Pdeng – Lad Jaiaw Lansonalane – Jaiaw Shyiap – Riatsamthiah Presbyterian Church – Umsohsun Road – Sani Mandir (GS Road) – 9-Lad – Raj Bhavan – Barik – Dhanketi – Don Bosco Square – Shillong Commerce College – PGT College – B.K. Bajoria School – 4th Furlong – Polo Bazar – Parking Lot, Polo.
Katba na ka bynta kiba dang hap hapoh 18 snem shapoh kynthup ruh bad ki nongïashimbynta kiba duna dkhotmet – kan sdang na Parking Lot, Polo Ground – Jingkieng (Polo Bazar) – Lad Lawmali – Jaiaw Jingthangbriew – Jaiaw Mawbynna – Jaiaw St. Joseph – Jaiaw Pdeng – Lad Jaiaw Lansonalane – Jaiaw Shyiap – Riatsamthiah Presbyterian Church – Umsohsun Road – Sani Mandir (GS Road) – 9-Lad – Pegasus Hotel – Hotel Polo Towers – Polo Bazar – Parking Lot, Polo.
Yn sam takma ïa ki nongjop ha kane ka jingïakop mareh bad ruh ki certificate, bad ka buskit na ka bynta kito kiba hap ha ka thup 18 – 35 snem kiba hap ha ka Open Category, Shynrang bad ki Kynthei ka long: 1 st –
50,000/-; 2 nd – 30,000/- bad 3 rd – 20,000/-. Ia kiwei kiwei ki category kan don ka trophy bad 1 st – 5,000/-; 2 nd – 3,000/- bad 3 rd – 2,000/-.
Baroh ki nongïashimbynta kin hap ban leit shim ïa ki Bib Number bad ki Kits na ka Ophis jong ka KJP Synod Sepngi kaba don ha Mission Compound (hajan ka skul KJP Girls Higher Secondary School) ha ka 10 th bad 11 th August 2023 naduh ka por 11 baje mynstep haduh 5 baje janmiet.
