Khliehriat, Jymmang 10 : Da kaba bud ïa ka jingbthah jong ka Meghalaya High Court bad jong ka Directorate of Mineral Resources (DMR), ki bor sorkar ba kynthup naduh u Executive Magistrate, East Jaintia Hills District kumjuh na ka Police Department ryngkat ki heh ka tnad DMR ki la pynlong ïa ka jingleit khynra ha ka District bad ha kane ka jingkhynra ki la lap bun bha u dewïong ba la lum thup shabar na ki jaka ba la buh bad ithuh da ka sorkar (inventorized coordinates).
Ïa une u dewïong ka kynhun ka la kurup noh hangtei hi bad hadien ba la kurup, la pynkit noh pat ïa u sha ka jaka buh dewïong ba la ithuh da ka Coal India.
Katkum ka kyrwoh, la ong ruh ba katkum ka kaiphod jingkhein (assesment report) jong ka 09tarik Jymmang ba ïoh pdiang na ka Divisional Mining Officer, la antad ba ka jingdon jong utei u dewïong ba ki ïoh kurup ka la kot sha ka 6,000 ton.
Halor kane, la ïathuh ruh ba la dep ban ujor da ka ejahar hapoh ki kyndon jong ka Mines and Minerals (Development and Regulation) Act (MMDR) bad ka jingtohkti halor kane ka dang ïaid shakhmat.
Kane ka long katkum ka kyrwoh ba la phah da u Deputy Commissioner ka East Jaintia Hills District.
