Shillong, Naiwieng 12 : Ka Nongkseh Sports Club ka la ïoh ban pynliem syndon haduh 5-0 kol ïa ka Pohkseh Sports Club katba ka Umphyrnai pat kala ïoh ban pynliem ïa ka Mawkhar SC da 2-1 kol ha ka lympung ïalehkai jong ka Shillong Sports Association, First Division 2024 kaba long ha kane ka sngi Ba-ar ha madan First Ground, Polo.
Ïa ki kol jong ka Nongkseh ha kane ka sngi la ïoh ban thep da u Firstlyborn Khongsit ha ka minit kaba 36 bad 53. Katba ïa ki lai tylli ki kol pat la thep da u Silvanius Diengan (62′), Samphrangshai Rani (64′) bad Chesterpaul Lyngdoh (85′). Kane ka jingjop ka la pynlong ïa ka Nongkseh ban kiew artad sha ka kyrdan kaba ar ha ka miej khein point da ki 11 point.
