Shillong, Nailur 11 : Ka jylla Meghalaya ka la ïoh pdiang haduh 405.64 klur hapoh ka Jal Jeevan Mission (JJM) ha kane ka snem 2024-2025.
Ïa kane ka mang pisa la pyllait da ka Ministry jong ka Jal Shakti, Department of Drinking Water and Sanitation, pyntip u Myntri ka tnad Public Health Engineering, u Marcuise N Marak ha ka jubab ba wanrah hapoh Ïing Dorbar ha kane ka sngi Palei.
Katkum kane ka jubab la kdew ruh ba ka Ministry kam pat pyllait satia pat na ka bynta ka snem treikam jong u 2025-26.
U Myntri u la ong ruh ba ïa ka bill kaba dang sahteng haduh ka 31tarik Nailar 2025 kaba dei ban siew sha ki kontraktor na ka bynta ka kam kaba la dep, kim pat ïoh pdiang satia na ka sorkar India.
