Haduh 31ngut ki samla phah ka Meghalaya ban leit aireng ha ka EZJ Athletics Championship ha Odisha

Shillong, Risaw 01 : Ka Meghalaya Athletics Association ha ryngkat ka jingïatrei lang bad ka Department of Sports & Youth Affairs kan leit ban shim bynta ha ka 35th East Zone Junior Athletics Championship ha ka thup kiba hapoh 14 snem, hapoh 16 snem, hapoh 18 snem bad kiba hapoh 20 snem kaban long ha ka Bhubaneshwar, Odisha naduh ka 7tarik haduh ka 09 tarik u Risaw mynta u snem.
Katkum ka jingïathuh da u General Secretary ka Meghalaya Athletics Assocaition, Bha Finely L Pariat ïa kine ki nongïalehkai la jied na ka lympung ïalehkai jong ka State Level Inter District kaba long dang shen mynta u snem. Kane ka kynhun ka kynthup ïa ki 15 ngut ki samla shynrang bad 16 ngut ki samla kynthei.
Ha ka thup u-14 ki nongïalehkai ha ka liang ki shynrang ki kynthup ïa u Daldrobath D Marak, Wanchiang K Marak, Rikangku D Sangma bad u John Milton Sohphoh. Katba ha ka liang ki kynthep pat ki kynthup ïa ka Althea C.L. Nongpyiur, Amandy Rumnong, Leryang G Marak bad ka Fraryca Nongrum.
Ha ka Under 16 pat ha ka liang ki shynrang ki kynthup ïa u Brilliance S Marak, Bettingstar N Sangma, Eslyrikkamsrang K Marak bad u Saidul Ali. Ha ka liang ki kynthei pat ki kynthup ïa ka Kasanchi Donesa Marak, Enriyana G Momin, Rukini RI Dkhar, Sibilda Maring, Iusame Marak bad ka Iuroi Phawa.
Ha ka thup Under 18 ha ka liang ki shynrang ki kynthup ïa u Henry Yoga A Sangma, Rishanmehi Ryngkhlem bad u Knerlang Phawa. Ha ka liang ki kynthei pat ki kynthu ïa ka Lyntijingkyrmen Kharjahrin bad ka Melibad Kro.
Ha ka thup Under 20, ha ka liang ki shynrang la kynthup ïa u Renaldi Dhar, Donbok Shabong, Pringchang N Sangma bad Simeon Marak. Katba ha ka liang ki kynthei pat ki kynthup ïa ka Damika R Lyngdoh, Bethylene G Makri, Rinalis Ingti bad ka Anrisha Klein.
Ki nongpeit jong ka kynhun pat ki kynthup ïa ka Kong Daisy Marwein, Kong Fidelia Sun bad i Bah Pleasantly Synnah.