Amlarem, Ïaïong 02: Ka Amlarem Sub-Divisional Sports Association (ASSA) hapoh ka jingpeit jong ka Meghalaya Football Association (MFA) kala pynlong ïaka AIFF D License Certificate Football Course kaba la sdang naduh ka 30 tarik u Lber bad pynkut haka 04 tarik u Ïaïong, 2026 ha madan phutbol Artificial kaba thymmai kaba don ha Ladjaplem Amlarem Block WJHD.
Ha kane ka prokram pyntbit na ka bynta ka AIFF D License la wan ban ai jinghikai (Instructor) da u Mouriya Sethupandian ha kaba la wan ban ïashim bynta haduh 24 ngut.
Kine ki kynthup ïa u Sonovershnine, u Lastborn Tariang, u Lestarket Kassar, u Fortunate Mukhim, u Fourstar Pohshna, u Frolicson Dkhar, u Shylla L. Pohshna, u Ananza sius Shylla, u Wanribhaki Tariang, u Dreamson Suchiang, u James D Tongper, u Shanbha Lamin, u Arvin Nonglamin, u Benansius Mukhim, u Shining Lamurong, u Lamphang Rasmut, u Batskhem Tariang, u Ridiam Khonglah, u Mayuri Khonglah, ka Basiadiamki Talang, u Roney Lamin Amdep, u Khmihbha Tariang, u Primrose Lamat bad u Bestar Pariong.
Baroh 24 ngut kiba la shah pyntbit ban ïoh ïaka AIFF ‘D’ License kin ïoh lad ban long kum ki Coach ba pura haki jingïalehkai phutbol jong ki kynhun bapher bapher, haka juh ka por kin ïoh lad ruh ban ai jinghikai ha ki lympung ïalehkai phutbol.
