Shillong, Nailur 11 : Ki la don palat 4,337 tylli ki longïing kiba la shah ktah ha ka eriong tang ha u snem 2023.
Ïa kane la pyntip da u Myntri ba dei peit ïa ka tnad Revenue & Disaster Management u Bah Kyrmen Shylla ha ka jubab kaba la wanrah hapoh ka ïing dorbar ha kane ka sngi Palei.
La ïathuh ruh ba ka sorkar ka la mang haduh 14.44 klur tyngka kum ka bai luksan sha ki longïing kiba shah ktah ha kine ki jingjïa shah lyngshop mariang.
