Haduh 1690 ïoh ka tnat bording ïa ki transformer ha ki 5 snem ba la leit, ong u Bah Metbah

Shillong, Rymphang 24: U Myntri ba khmih ïa ka tnat bording ha ka sngi baar u la pyntip ha ka ïing dorbar ba ka Meghalaya Power Distribution Limited (MePDCL) ka la dep ban ïoh 1690 tylli ki transformer ha kine ki 5 snem ba la dep.
Na ka liang jong u Bah Metbah Lyngdoh uba dei ruh u Myntri ka tnat Bording u la ïathuh ïa ka ïing ba ki la don kumba 221 (2021-22), 484 (2022-23), 405 (2023-24), 419 (2024-25) bad 161 kumba ka long mynta ha kaba ïadei bad kane ka snem mang tyngka.
Nalor kane na ka liang jong u Myntri ka tnat Bording u la pyntip ba ka MePDCL ka la buh kumba 3447 tylli ki transformer kiba dang hap hapoh ki skhim kiba bapher bapher.
Ïa ki jingtip ba bniah na ka liang jong u Myntri u Bah Metbah Lyngdoh u la ïathuh ïa ki jingtip ba bniah kiba kynthup ïa IPDS (53), DDUGJY (998), SAUBHAGYA (1410) bad RDSS 986 kumba long haduh mynta.
Haba jubab ïa ka jingïatai kaba lyngkot u Bah Lyngdoh u la pyntip ba na ka liang ka tnat ka la shm khia ha kaba ïadei bad ki jingeh ba mad da ki paidbah ha ka jingbym don jong ki transformer bad ka jingïoh pdiang ïa ki.
U la ong ba na ka liang jong ka tnat ka la shim khia ha kaba ïadei bad ka jingphah peit ïa ki jingsniew jong ki tnransformer ba kynthup ïa ka insulation test; routine test, Voltage Ratio, No-Load Loss bad Impedance; Type Test Report Covering: Temperature Rise, Lightning impulse test bad Short Circuit Test; Oil Test Report Covering Break Down Dielectric Voltage Test Report.
Ha kaba ïadei bad ki lad jingïarap halor ka pisa na ka liang ka sorkar ka ju ïarap ïa ka Meghalaya Energy Corporation Limited da kaba ïasoi Tripartite MoU hapoh ka UJWAL DISCOM Assurance Yojana (UDAY).
Kane ka MoU ka la long hapdeng ka Ministry of Power, centre, ka sorkar jylla government of Meghalaya bad ïa kane la leh ha ka 9 tarik u Lber, 2017.