Nongpoh, Ïaïong 28: Da ka jingïatrei lang ki Pulit ka Ri Bhoi bad ka Search and Rescue Team na Shillong mynta ka sngi ki la lap noh ïa ka met uwei u samla ba la ngam jyllop ha ka wah Umtrew ha Ri Bhoi District, kaba la jia ha ka por 4.30 baje ha ka janmiet jong ka sngi u Blei.
Une u samla uba la ngap jyllop ha katei ka wah la tip kyrteng kum u Pharius Syiemsad na ka shnong Lumnongrim Dewlieh ba hap ha ka Umsning Police Outpost ha Ri Bhoi Distirct.
Kumba la ioh lum jingtip, la ong ba utei u samla ha ka sngi u Blei ki la leit bam khana ha katei ka wah Umtrew ryngkat ki paralok bad ha ka jingleit jngi ha katei ka wah u la ngap jyllop bad khlem lap shuh ïa u.
Halor kane ka jingjia, la pyntip sha ki bor pulit kiba la leit ban wad ïa ka met jong utei u samla, ha kaba kim shym la lap satia bad dei haduh mynta ka sngi na ka jingwan poi ka Search and Rescue Team na Shillong ha kaba da ka jingwad bniah ki lap noh ïa ka met jong utei u samla na katei ka wah.
Shuh shuh, la ong ruh hadien ba la sei ïa ka met jong utei u samla na katei ka wah la aiti noh ïa met ba dangah jong u sha kiba haïing hadien ba la pynlait noh ban leh ïa ka postmortem kaba ki la leh katkum ki kyndon jong ka aiñ.
