Jowai, Naitung 16: Ka Federation of Khasi Jaiñtia & Garo People (FKJGP) War Jaiñtia Circle ryngkat ka jingïatreilang bad ka FKJGP West Jaiñtia Hills District kila pynpaw ka jingsngewnguh ïa u Deputy Commissioner ka West Jaiñtia Hills District bah Garod L.N.S Dykes bad ïa u bah M Rymbai E.E MePDCL Jowai Distribution Division kiba la kloi ban shimkhia ban pynïoh bording (Transformer) ïa ka shnong Padu-Bah kaba hap hapoh ka Amlarem C&RD Block.
La ong ba kane ka jingshimkhia u DC ka long hadien ba ka FKJGP kala leit ban ïakynduh ha ophis treikam jong u ha Jowai ha ka 07/07/2022 ha kane ka jingleit ïakynduh la lamkhmat da u President bah Shlur Mukhim, Asst. Secretary bah Kynsai M Khonglah, Organisining Secretary FKJGP West Jaiñtia Hills District ma Wompher Wann President FKJGP West Jaiñtia Hills District ma Nabait Ymbon kiba la kyrpad ban pynïoh bording kloi ïa katei ka shnong kaba la shong dum da ki bun bnai.
Dei ha ka 14/07/2022 ki briew na ka MePDCL kila wan ban pynïoh bording ïa kane ka shnong, halor kane ka seng kam lah khlem da pynpaw ka jingsngew nguh ïa ki dkhot jong ka Seng kiba ïa don bynta lang ha ka 02/07/2022 ka sngi ba pynlong jingïalang paidbah ha katei ka shnong kynthup lang ïa ki nongïalam shnong bad ki paidbah. Pynkut ka kyrwoh ba la phah da u President bah Shlur Mukhim bad Assistant Secretary bah Kynsai M Khonglah.
