Nongpoh, Naiwieng 05: Na ka daw ba u Nongñiah u leit tynrah kynsan ïa kawei ka Scooty ha Nongpoh, kawei ka Motorbike ka la kem ding kynsan ha ka surokbah National Highway-6 ba hap ha ki bynta jong ka sor Nongpoh.
Kane ka jingjia ka la jia mynta ka janmiet ha ka por 6 baje ei ei janmeit, ha kaba katei ka Motorbike kaba don ïa u number AS 01 AY 4293 ka dang thmu ban hiar sha Guwhati, hynrei hadien ba la poi ha Nongoh ka la leit ban tynrah ïa ka Scooty kaba don ïa u number ML 10 B 6349 haduh ba ka la kem ding syndon ha surokbah.
Katkum ka tyllong khubor ba la ioh lum, la ong ba kane ka jingjia ka la jia ka dei na ka jingbakla katei ka Motorbike ba ka la leit ban tynrah ïa ka Scooty haduh ba la kem ding, hynrei Nongñiah tang mar ïa tynrah ïa ka Scooty u la bret ïa ka Scooty bad u la phet krad ïa lade.
La ong ruh ka jingkem ding katei ka Motorbike la lah ban pynlip noh da ka jingwan poi kloi ka kali pynlip ding bad ryngkat ka jingtrei shitom ki Pulit ka Nongpoh Traffic Brach.
Shuh shuh, haduh ba la thoh ïa kane ka khubor ym pat lah ban ioh ïa ka jingtip kaba bniah halor kane ka jingjia bad ki daw tynrai jong ka jingjia, namar na ka liang ki Pulit ki dang pynlong ïa ka jingtohkit kaba bniah bad ban leh ruh katkum ki kyndon jong ka ain.
