Shillong, K’ Lyngkot 19: Ki pulit ki la ïathuh ba ha ka 17 tarik mynta u bnai ha ka por 6.30 baje mynstep, kawei ka thuk thuk kaba don u nombar ML-05AD-0558 bad artylli ki scooter kiba don ki nombar ML-04E-1159 bad ML-04D-9218, ki la kiar na ka jingshah talasi jong ki pulit hapoh Lad Demthring (WJH) bad ki la phet krad sha ka thain Amlarem (WJH). Kham hadien hadien ba ki la shah beh kthong ha ki pulit, kitei kiba niah ar shaka ki la phet krad na katei ka jaka bad ki la ieh noh ïa ki ar shaka jong ki harud surok.
