Shillong, Rymphang 11: Ki pulit ki la ïathuh ba ha ka 7 tarik mynta u bnai ha ka por kumba 7 baje mynstep, ki pulit ki la ïoh ban khang kdong ïa kawei ka Maruti S-Presso kaba don u nombar AS-11X-4148 ba la ñiah da u Jaidul Islam Barbhuiya ba la 28 snem ka rta bad kawei ka thuk thuk kaba don u nombar AS-01FS-7046 ba la ñiah da u Rajibul Haque ba la 35 snem ka rta ha jingkieng Borbasing Syiem, Ranikor (SWKH) ha kaba na ki, ki la lap bad kurup kumba 0.03 gram u suba drok, nangta 0.16 grams ki Yaba tablet powder, bad 6.14 grams u Marijuana (ganja).
Halor kane ka jingjia na ka liang ki pulit ki la kem noh ïa kitei ki briew ba la shah kynnoh donkti ha kane ka kam bad kumjuh ruh ki la kem noh ïa uwei uba kyrteng u Jeherul Islam ba la 32 snem ka rta.
