Shillong, Naitung 23: U Rajibul Islam uba na Assam u la phah ka jingujor ba ha ka 19 tarik mynta u bnai ha ka por 8 baje mynmiet, laingut ki briew bym lah ban ithuh ki la shim wai ïa ka kali jong u kaba don u number AS-25BC-6481 na Jalukbari, Guwahati, Assam ban leit sha Phulbari (WGH).
Hynrei ha ka por 2.07 baje mynstep, hadien ba la poi ha Phulbari, kitei ki 3 ngut ki la kyrpad noh ïa u ban leit buh noh sha Bhaitbari. Hadien ba la poi ha ka thaiñ Bhaitbari (WGH), kitei ki 3 ngut ki la ïa hylla, ki la byrngem shoh ïa u nongñiah bad da ka bor ki la knieh ïa ka pisa T. 6,700/- na u.
