Hadien ba la phet sha ka UDP, leit phai biang ki nongïalam barim sha ka HSPDP

Mawkyrwat, Naitung, 10: Ka Hills State People’s Democratic Party (HSPDP) jong ka Mawkyrwat Circle ka la ïoh ban jied thymmai ïa ki nongkitkam jong ka party bad kane ka jingjied thymmai ka long hadien ka jingiehnoh kam jong ki nongïalam barim da kaba ki la leit ban pynïasnoh ïa lade bad ka United Democratic Party (UDP) dang tang ha kine ki khyndiat sngi ba la dep.
Ïa ki nongïalam kiba dei ruh ki nongkikam ba thymmai jong ka party la ïoh ban pynskhem da u President ba rangbah jong ka HSPDP Central Body, bah K.P. Pangniang ha kaba ïa ka jingïalang ba pynlong ha phyllaw jong ka Nativity Hall, Mawkyrwat, South West Khasi Hills District ha ryngkat ka jingsakhi lang da ki hajar ngut ki paidbah nongkyrshan jong ka party.
Ki nongkitkam jong ka Hills State People’s Democratic Party (HSPDP) jong ka Mawkyrwat Circle ki long President u bah Nolipstar Lyngdoh, Working President u bah Medalsing Lyngdoh, Vice President u bah Spaidar L. Paliar, u bah H.S. Lyngdoh, u bah Dmenly Lyngdoh bad u bah Ioanis Iawphniaw, General Secretary u bah K.D. Wanniang, Joint Secretary u bah Heral Jyrwa, u bah Nendar Lyngkhoi bad u bah Phailo Syiemlieh, Organising Secretary u bah J.M. Lygngdoh, Assistant Organising Secretary u bah Overjoy Lyngdoh, Publicity Secretary u bah Banteibor Lyngdoh, Treasurer u bah Kolan Marweiñ.
Nangta ki Advisers ki long u bah Hadrian Lyngdoh, u bah J.S.D. Lyngdoh, u bah Kheiñkor Nongsiej, u bah Christopher Syiernlieh, u bah Renikton Lyngdoh Tongkhar bad u bah Lestar Marngar.