Shillong, Jylliew 02: Uwei u nongshong shnong ba sah ha Polo, Shillong u la phah ka jingujor ba ha ka 28 tarik u Jymmang ha ka por 11 baje mynstep, uwei u briew u bym lah ban ithuh uba la thiah hakhmat ka dukan jong u, ula byrngem ïa u bad u la pyrshang ruh ban kawang maw ïa ka dukan jong u, hadien ba utei uba la ujor u la kyrpad ïa u ban mih noh na kane ka jaka khnang ba un lah ban plie noh ïa ka dukan. Utei uba la ujor u la pyntip ruh ïa kane sha ki pulit, hynrei kam shym la don ka jingshimkam da ka aiñ ha katei ka por. Katba ha ka 29 tarik u Jymmang ha ka por kumba 10 baje mynstep, u la ïoh ka jingtip ba ki runar bym lah ban ithuh ki la wiang ding ïa ka dukan jong u.
