Nongstoin, Nailur 23 : Ki Pulit ka West Khasi Hills, ha ka sngi Ba-ar, kala lap ïa ka metiap jong ka Khynnah 14 snem, kaba la jah rngai naduh ka 20 tarik Nailur na Mawlangkhar, kaba dei kawei na ki kyntoit ka Kseh Kohlong, Nongstoin.
Kane ka khynnah ka kyrteng ka Heprit Iwanpynkmen Nongsiej bad ïa ka met jong I la lap ha ka por 12 baje mynsngi da ki katto katne ki briew kiba leit kheit tit ha kawei ka jaka khlaw kaba pajih na ka ïingsah jong kane ka khynnah.
Kat kum ka jingïathuh u Sordar ka Kseh Kohlong Bah Ioanis Lyngdoh, ïa ka met jong kane ka khynnah la lap ba sdien ha uwei u diengkseh.
ïa ka met jong kane ka khynnah la rah noh sha Civil Hospital, Nongstoin ban pyndep ïa ka post mortem. Ki Pulit kila register case halor kane ka jingjia bad ka jingtohkit mynta kala ïaid shakhmat.
