Haba trei ngin trei ym tang ym tang ban ïoh nam, hynrei ngin trei da ka jingkit khlieh: Adelbert

Shillong, Nohprah 22: U MLA ka 17 North Shillong u Bah Adelbert Nongrum u la pynpaw haba trei ngi ïa kano kano ka kam, ngi dei ban trei ym tang ban ïoh ïa ka nam hynrei ngin trei da ka jingkitkhlieh.
ïakane u Bah Adelbert Nongrum u la kren ha ka por ba u plie paidbah ïa u mot ba la shna pynitynnad ïa kaba la ju tip kum ka Lawmali Pyllun Triangle, kaba don ha Lad Lawmali, Shillong.
Ha kane ka sngi ba plie paidbah ïa u mot la ïadonlang ryngkat bad ki nongkitkam shnong ki seng Kynthei ki seng Samla ki nongïalam ka Sport Club bad ruh ki paidbah nongshong shnong.
Haba kren ha ka jingïalang u Bah Adelbert Nongrum u la pynpaw, ïa kane ka skhim la pynïoh lyngba ka tnad treikam jong ka PWD ha ka mang tyngka ba 10 lak bad kane ka jaka ba la shna pynitynnad kan khring bha ïa ki nongïaid nongïeng kiba ïaid lyngba kane ka jaka.
“Kum u MLA nga dap da ka jingkmen ba nga la ïoh pyntyllunlang ïakane ka kam bad ka dorbar shnong ha kaba pynïoh ïa kane ka skhim,” ong u Bah Adelbert.
Halor ka jingpynneh pynsah ia une u mot, u Bah Adelbert u la kyntu ïa ki paidbah nongïaid nongïeng bad kumjuh ruh ïa ki paidbah nong shong shnong ba kiar ban pynsniewdur ïakane ka jaka kaba long shisha mynta kaba itynnad.
Shuh shuh u la ong, Kum ki nongtrei ïa ka kam ngi dei ban trei ym tang ïoh ïa ka nam hynrei ngi dei ban trei da ka jingkit khlieh.
Na ka liang u Bah B.Khongwir uba dei u Rangbah Shnong ka shnong Lawmali Pyllun u la ong, Kane ka Lawmali Pyllun Triangle kan long ka jaka sahnam jong ka shnong bad ïakane ka jaka la ïoh jingïarap nyngkong eh na ka skhim ba la ai da ka tnad Soil ban thung syntiew ban pynitynnad ha u snem 2021 bad 2022.
Ha kane ka jaka don une u mot lai dong ba shna pynitynnad mynshwa namar ba u dei uba heh bad ka jingdheng kali ruh ka jur bha hynrei mynta pat shna pyllun ban khamrit ban lait na ka jingdheng kali, u la ong.
Shuh shuh u Bah Khongwir u la ïathuh ba u MLA ruh u la trei shitomlang ban ïarap ban pynïoh lem ïa kane ka skhim na ka tnad PWD bad u la pyntip ruh ba ïa ki nar post ilektrik kiba don ha syndah.