Shillong, Nailur 23: U Myntri ka tnat Public Health Engineering (PHE) u Marcuise N Marak ha ka sngi baar u la pyntip ba ïa ka Greater Shillong Water Supply Scheme (GSWSS-III) project la khmih lynti ban pyndep ha u bnai Lber jong u snem ban wan, bad ka kam kaba la pyndep mynta ka la poi sha ka 70%.
U Marak u la ïathuh ba ka New Shillong Water Supply Scheme ka la hap ban slem na ka daw ka kam shim jaka hynrei kine baroh la dep ban pynbeit.
U la ong ba ka kam la khmih lynti ban pyntreikam pura shisien ba ka aïom trei ka la sdang.
“Mynta baroh la dep ban pynbeit bad ka kam kaba pura ban tei kan sa sdang shen shisien ba ka aïom trei ka la sdang,” u la bynrap.
