Ha shrip ki pulit ngat ar ngut ki nongtuh mobile, lyngba ki dur khih ba la saphriang

Shillong, K, Lyngkot 31: Da ka jingïarap ka dur khih (video) ki pulit jong ka Sadar Police Station ki ïoh ban kem ïa ar ngut ki nongtuh mibile na kawei ka dukan kaba don hapoh ka nongbah Shillong.
Katkum ki Pulit, kila ïoh pdiang ïa kawei ka ejahar ha ka 29 tarik mynta u bnai Kyllalyngkot ba ha ka 22 tarik kine ki ar ngut ki briew kila rung ha kawei ka dukan M/S AK Enterprice kaba don ha Glory’s Plaza bad kila tuh ïa kawei ka Samsung Galaxy S23 Ultra mobile phone bad ka video kala saphriang bha ha ki eynsan social media.
Ha ka sngi Thohdieng, u SI Arkwis Iawphniaw jong ka Sadar PS ha ryngkat bad ka kynhun ka jong u kila kem noh ïa ar ngut ki briew kiba donkti, kiba kynthup ïa u Bracely Suna bad u Underson Sumer na ka shnong Mukhla, West Jaintia Hills District.
Ka jingtohkit ïa kin ear ngut ka dang ïaid shaphrang, la ki donkti ne em ha ki kam tuh bad ki case kiba shah knieh jubor ïa ki tiar ki tar, la ong ki pulit.